Food

ಪೋಷಕಾಂಶಭರಿತ ಗೆಡ್ಡೆರೂಪದ ತರಕಾರಿಗಳಲ್ಲಿ ಒಂದಾಗಿರುವ ಮೂಲಂಗಿ ಸೊಪ್ಪಿನ ಪಚಡಿ ಮಾಡುವ ವಿಧಾನ..!!

ಮೂಲಂಗಿ ಕೇವಲ ರುಚಿಯೊಂದೇ ಅಲ್ಲ, ಅದರಲ್ಲಿ ರೋಗನಿರೋಧಕ ಶಕ್ತಿ ಇದೆ. ಇದರಲ್ಲಿ ವಿಟಮಿನ್ ಎ, ಬಿ ಮತ್ತು ಸಿ ಅಂಶವಿದೆ. ಅಲ್ಲದೆ ಸಾರಜನಕ, ಪಿಷ್ಟ, ಮೇದಸ್ಸು, ಖನಿಜಾಂಶ, ನಾರಿನಾಂಶ, ರಂಜಕ, ಸೋಡಿಯಂ, ಪೊಟ್ಯಾಷಿಯಂ, ರೈಬೋಪ್ಲೆವಿನ್, ಆಕ್ಸಾನಿಕ್ ಆಮ್ಲ, ಎ-ಸಿ ಜೀವಸತ್ವ, ಸುಣ್ಣ, ಕಬ್ಬಿಣ, ಥಯಾಮಿನ್ ನಂತಹ ಪೋಷಕಾಂಶಗಳಿವೆ. ಮೂಲಂಗಿ ತಾಜಾ ತರಕಾರಿಯಾಗಿರುವುದರಿಂದ ಹಸಿಯಾಗಿ ತಿನ್ನಬಹುದು. ಇದನ್ನು ಹಸಿಯಾಗಿ ತಿನ್ನುವುದರಿಂದಲೇ ಉಪಯೋಗಗಳು ಹೆಚ್ಚು. ಹಾಗಾದರೆ ಬನ್ನಿ ಹಸಿ ಮೂಲಂಗಿ ಸೊಪ್ಪಿನ ಪಚಡಿ ಮಾಡುವ ವಿಧಾನ ತಿಳಿಯೋಣ…

ಬೇಕಾಗುವ ಸಾಮಗ್ರಿ:

  • ಮೂಲಂಗಿ ಸೊಪ್ಪು-2 ಕಟ್ಟು,
  • ಮೂಲಂಗಿ ಸಣ್ಣದಾಗಿ ಹೆಚ್ಚಿಕೊಂಡಿರುವ ಹೋಳು
  • ಹಸಿ ಮೆಣಸಿನಕಾಯಿ-4 ತುಂಡು,
  • ಕಡಲೆಕಾಯಿ ಬೀಜದ ಪುಡಿ-ಅರ್ಧ ಕಪ್‌,
  • ಉಪ್ಪು-ರುಚಿಗೆ ತಕ್ಕಷ್ಟು,
  • ನಿಂಬೆ ರಸ-1 ಚಮಚ,
  • ತೆಂಗಿನಕಾಯಿ ತುರಿ-ಕಾಲು ಕಪ್‌.

ಮಾಡುವ ವಿಧಾನ:

ಮೂಲಂಗಿ ಸೊಪ್ಪನ್ನು ಶುಚಿಗೊಳಿಸಿ ಸಣ್ಣದಾಗಿ ಕತ್ತರಿಸಿ ಅದಕ್ಕೆ ಸಣ್ಣದಾಗಿ ಹೆಚ್ಚಿಕೊಂಡಿರುವ ಮೂಲಂಗಿ ಹೋಳುಗಳನ್ನು ಸೇರಿಸಿ.

 

ನಂತರ ಹಸಿ ಮೆಣಸಿನಕಾಯಿ ತುಂಡುಗಳನ್ನು ಸ್ವಲ್ಪ ಎಣ್ಣೆಯಲ್ಲಿ ಹುರಿದು ಈ ಸೊಪ್ಪಿಗೆ ಸೇರಿಸಿ.

ಈ ಮಿಶ್ರಣಕ್ಕೆ ತೆಂಗಿನಕಾಯಿ ತುರಿ, ಕಡಲೆಕಾಯಿ ಬೀಜದ ಪುಡಿ, ಉಪ್ಪು ಮತ್ತು ನಿಂಬೆ ರಸ ಸೇರಿಸಿದರೆ ರುಚಿಯಾದ ಮೂಲಂಗಿ ಸೊಪ್ಪಿನ ಪಚಡಿ ರೆಡಿ.

Amazon Big Indian Festival
Amazon Big Indian Festival
To Top