Awareness

ಹಾವು ಕಡಿತದಿಂದ ಸಾವನ್ನು ತಪ್ಪಿಸುವ ಮಹಾನ್ ಸಾಧನ ಕಂಡುಹಿಡಿದಿದ್ದಾರೆ ಈ ಪ್ರೊಫೆಸರ್!!

ಭಾರತದಲ್ಲಿ ಹಾವನ್ನು ನೋಡಿದರೆ ಜನ ಓಡುತ್ತಾರೆ , ಹಿಡಿಯಲು ಪ್ರಯತ್ನಿಸುತ್ತಾರೆ , ಇನ್ನು ಕೆಲವರು ಅದನ್ನು ಹೊಡೆಯಲು ಮುಂದಾಗುತ್ತಾರೆ , ಇವೆಲ್ಲದರ ನಡುವೆ ಹಾವು ಯಾರಿಗಾದರೂ ಹಾವು ಕಚ್ಚಿದರೆ ಅವನ ಸಾವು ಖಚಿತವಾದಂತೆ , ಯಾಕೆ ಹಾಗೆ ಹಾವು ಕಡಿತ್ತಕ್ಕೆ ಚಿಕಿತ್ಸೆಯೇ ಇಲ್ವಾ ಅನ್ನೋ ಪ್ರಶ್ನೆ ನಿಮ್ಮನ್ನು ಕಾಡೋದು ಸಹಜ.

ಭಾರತದಲ್ಲಿ ಪ್ರತಿವರ್ಷ ೨ ಲಕ್ಷ ಜನ ಹಾವು ಕಡಿತಕ್ಕೆ ಗುರಿಯಾಗುತ್ತಿದ್ದಾರೆ ಜಗತ್ತಿನಲ್ಲಿ ಈ ಸಂಖ್ಯೆ ೫೦ ಲಕ್ಷ. ನಮ್ಮ ದೇಶದಲ್ಲಿ ೨೫೦ ವಿಧದ ಹಾವುಗಳಿದ್ದು ಅದರಲ್ಲಿ ೫೨ ವಿಷ ಸರ್ಪಗಳು ಇವೆ , ಹಾಗು ಅತ್ಯಂತ ವಿಷಕಾರಿಯಾದ ೫ ಹಾವುಗಳಿವೆ. ಅವು ಕಚ್ಚಿದರೆ ಮನುಷ್ಯ ಕೇವಲ ೩ ರೇ ಗಂಟೆಗಳಲ್ಲಿ ಸಾಯುತ್ತಾನೆ.

ಹಾವು ಕಡಿತದಿಂದ ದೇಹದಲ್ಲಿ ವಿಷ ಸೇರಿಕೊಂಡರೆ “ಆಂಟಿ ಸ್ನೇಕ್ ವೀನಮ್” ಬಿಟ್ಟರೆ ಇನ್ಯಾವ ಚಿಕಿತ್ಸೆಯಿಂದಲೂ ಬದುಕುವ ಅವಕಾಶ ಇಲ್ಲ. ಹಾವು ಕಚ್ಚಿದ ವ್ಯಕ್ತಿಗೆ ೩ ಗಂಟೆಗಳ ಒಳಗೆ ಪ್ರಥಮ ಚಿಕಿತ್ಸೆ ಮಾಡಿದರೆ ಉಳಿಯುವ ಸಾಧ್ಯತೆ ಇರುತ್ತದೆ. ನಮ್ಮ ರಾಜ್ಯದಲ್ಲಿ ಪರಿಚಿತವಾದ ೧೦೮ ನಂತಹ ಆಂಬ್ಯುಲೆನ್ಸ್‌ನಲ್ಲಿ “ಆಂಟಿ ಸ್ನೇಕ್ ವೀನಮ್‌” ಲಭ್ಯವಾಗುವಂತೆ ಆದರೆ , ಅಪಾಯದಿಂದ ಬಹಳಷ್ಟು ಜನರನ್ನು ಕಾಪಾಡಬಹುದೆಂದು , ಹಾಗು ಮರಣಗಳ ಸಂಖ್ಯೆಯನ್ನು ಕಡಿಮೆ ಮಾಡಬಹುದೆಂದು ಉಪಾಯ ಕಂಡುಹಿಡಿದವರು ಹಿಮಾಚಲ ಪ್ರದೇಶದ ಪ್ರೊಫೆಸರ್ ಡಾಕ್ಟರ್ ಒಮೇಶ್ ಕುಮಾರ್ ಭಾರತಿ.

ಹಾವಿನ ಕಡಿತಕ್ಕೆ ಗುರಿಯಾದ ವ್ಯಕ್ತಿಯನ್ನು ಗಂಟೆಯೊಳಗೆ ಆಸ್ಪತ್ರೆಗೆ ತೆಗೆದುಕೊಂಡು ಹೋದರೆ ಪ್ರಾಣವನ್ನು ಕಾಪಾಡುವ ಅವಕಾಶ ಇದೆ. ಆದರೆ ನಮ್ಮಲ್ಲಿ ಆಂಬ್ಯುಲೆನ್ಸ್‌ನಲ್ಲಿ ಈ ಅವಕಾಶ ಇಲ್ಲ. ಇದರ ಬಗ್ಗೆ ಸರ್ಕಾರಕ್ಕೆ ಸಮಗ್ರ ದೃಷ್ಟಿಕೋನ ಇಲ್ಲ. ಈ ವಿಷಯವನ್ನು ಗಮನಿಸಿದ ಒಮೇಶ್ ಕುಮರ್ , ಹಿಮಾಚಲ ಪ್ರದೇಶದಲ್ಲಿ ಈ ಯೋಜನೆಯನ್ನು ಜಾರಿಗೆ ತಂದು ಕೇವಲ ಒಂದು ವರ್ಷ ಕಳೆಯುವಷ್ಟರಲ್ಲಿ ೪೨ ಜನರ ಪ್ರಾಣ ಕಾಪಾಡಿದರು , ಒಂದು ವೇಳೆ ಜನ , ಏನ್ ಜಿ ಓ ಗಳು ಹಾಗು ಸರ್ಕಾರ ಈ ನಿಟ್ಟಿನಲ್ಲಿ ದೃಷ್ಟಿಹರಿಸಿದರೆ ಹಾವು ಕಚ್ಚಿದ ಎಲ್ಲ ಜನರನ್ನು ಕಾಪಾಡಬಹುದು ಎಂಬುದು ಅವರ ವಾದ.

ಇದರ ಬಗ್ಗೆ ಒಂದು ಸಂಶೋಧನಾ ಪತ್ರವನ್ನು ಇಂಡಿಯನ್ ಜರ್ನಲ್ ಆಫ್ ಅಪ್ಲೈಡ್ ರೀಸರ್ಚ್ ೨೦೧೫ ಕ್ಕೆ ಸಲ್ಲಿಸಿದರು. ಅದನ್ನು ದೇಶದಲ್ಲಿ ಅಷ್ಟೇ ಅಲ್ಲದೆ , ವಿಶ್ವ ಆರೋಗ್ಯ ಸಂಸ್ಥೆ (WHO) ಸಹ ಇದನ್ನು ಹೊಗಳಿತ್ತು. ಈ ವಿಷಯವನ್ನು ಕಳೆದ ವರ್ಷ ಜೆನೀವಾದಲ್ಲಿ ನಡೆದ ವಿಶ್ವ ಆರೋಗ್ಯ ಸಂಸ್ಥೆ (WHO) ಶೃಂಗದಲ್ಲಿ ಪ್ರಸ್ತಾಪಿಸದರು , ಆ ವಿವರಗಳನ್ನು ಕೇಂದ್ರ ಸರ್ಕಾರ ಸಹ ತೆಗೆದುಕೊಂಡಿದೆ.

ಹಾವು ಕಚ್ಚುವುದರಿಂದ ಆಗುವ ಸಾವಿನಲ್ಲಿ ನೂರಕ್ಕೆ ಶೇ.೯೫ ರಷ್ಟು ಸೂಕ್ತ ವೈದ್ಯಕೀಯ ಚಿಕಿತ್ಸೆ ಸಿಗುವುದಿಲ್ಲ , ಒಂದು ವೇಳೆ ಆಂಬುಲೆನ್ಸ್‌ಗಳಲ್ಲಿ “ಆಂಟಿ ಸ್ನೇಕ್ ವೀನಮ್” ಇರುವಂತೆ ಆದರೆ , ಈ ಮರಣಗಳ ಸಂಖ್ಯೆ ಕಡಿಮೆಯಾಗುತ್ತದೆ ಎನ್ನುತ್ತಾರೆ ಡಾಕ್ಟರ್ ಒಮೇಶ್. ಈಗಾಗಲೆ ಇದು ಪಕ್ಕದ ರಾಜ್ಯ ಆಂಧ್ರಪ್ರದೇಶದಲ್ಲಿ ಜಾರಿಯಾಗಿದೆ ಇದರಿಂದ ಸಾಕಷ್ಟು ಜನರ ಪ್ರಾಣ ಉಳಿಸಿದಂತಾಗಿದೆ.   ಇದೆ ರೀತಿ ಎಲ್ಲ ರಾಜ್ಯದಲ್ಲಿ ಆದರೆ ಲಕ್ಷಾಂತರ ಜನರ ಪ್ರಾಣ ಉಳಿಸಬಹುದು.

Amazon Big Indian Festival
Amazon Big Indian Festival

Copyright © 2016 TheNewsism

To Top